Biznesmeni Mentor Beqiri është liruar nga akuzat për veprën penale shtytje në tentim-vrasje në rastin e ish-kryeinspektorit Nexhat Fazliu të Inspektoratit të Punës të Mitrovicës, pasi që prokurori i rastit është tërhequr nga akuza.
Behar Halili është dënuar me katër vite burgim për veprën penale “sulm ndaj personit zyrtar”, si dhe është ngarkuar me tre mijë euro pagesë.
Shpëtim Tahiri është dënuar për të njëjtën veprë penale me dy vite dhe gjashtë muaj burgim.
Mentor Beqiri është liruar nga akuza për veprën penale asgjësimi i pasurisë, pasi Prokurori i Shtetit është tërhequr nga akuza. Po ashtu, Beqiri është liruar nga akuza për “shtytje në vrasje të rëndë”, pasi që nuk është provuar se i njëjti ka kryer këtë vepër penale.