Një 42-vjeçar në Shtetet e Bashkuara është dënuar me burgim të përjetshëm pasi u shpall fajtor për vrasjen e ish-të dashurës së tij dhe për fshehjen e trupit të saj për disa muaj.
Matthew Lewinski u akuzua se kishte vrarë Courtney “Jerri” Winters, 52 vjeçe, në vitin 2020, ndërsa më pas kishte tentuar të fshihte gjurmët e krimit duke e mbajtur trupin e saj fillimisht në banesë dhe më vonë në bodrum.
Ngjarja u zbulua pasi 42-vjeçari u gjet në gjendje të rënduar jashtë banesës së tij dhe u dërgua për trajtim. Pas hyrjes në apartament, familjarët zbuluan mbetjet mortore të viktimës dhe njoftuan autoritetet.
Gjatë procesit gjyqësor në Michigan, prokuroria argumentoi se mes çiftit kishte pasur një konflikt të rëndë para ngjarjes tragjike. Sipas dëshmive të paraqitura në gjykatë, pas përleshjes fizike Lewinski kishte shkaktuar vdekjen e ish-partneres.
Ai u shpall fajtor për vrasje të planifikuar, fshehje të vdekjes së një personi dhe trajtim të paligjshëm të trupit të pajetë.
Gjykata vendosi dënimin maksimal ndaj tij, duke e lënë pas hekurave për pjesën tjetër të jetës.