Një burrë ka vdekur pasi pësoi lëndime të rënda kur hyri në një vend të mbyllur për tigra në një park të kafshëve të egra në Mbretërinë e Bashkuar, tha Policia e South Yorkshire.
Në një deklaratë policia tha: “Në orën 13:35 të ditës së shtunë, (10 tetor) morëm raportime për një burrë që hyri në një vend të mbyllur për tigra në Parkun e Kafshëve të Egra në Yorkshire.”
“Shërbimet e urgjencës mbërritën dhe për fat të keq, pavarësisht përpjekjeve më të mira të personelit mjekësor, burri u shpall i vdekur në vendngjarje,” tha policia.
Tigri nuk u lëndua në incident, tha policia.
Policia shtoi se familja e burrit është vënë në dijeni dhe po mbështetet nga oficerë të specializuar. “Mendimet tona janë me ta në këto momente të vështira.”
Zëdhënësi i policisë shtoi se njerëzit po inkurajohen të mos shpërndajnë pamjet “tronditëse” që po qarkullojnë në internet, ku shihet burri duke u sulmuar egërsisht nga tigri.