Nënkryetarja e Kuvendit të Kosovës nga radhët e PDK-së, Vlora Çitaku, ka reaguar pasi kryeministri në detyrë, Albin Kurti, sot është paraqitur në gjykatë në rastin e kërcënimit nga Faton Klinaku.
Ajo ka bërë me dije se Kurti shkon në gjykatë për të dëshmuar kundër Klinakut për një status në Facebook”, por nuk dëshmon në prokurori për aferat korruptive.
Në profilin e tij në “Facebook”, ajo ka shkruar se kush ka sy me pa situata është e qartë.
“Pra, A.K. shkon në gjykatë për të dëshmuar kundër Klinakut, “krimi” i të cilit ishte një status në Facebook. Por, kur bëhet fjalë për aferat milionëshe të vartësve të tij, refuzon t’i përgjigjet prokurorisë. Kush ka sy me pa dhe vesh me dëgju, e kupton se situata është më se e qartë”, ka shkruar Çitaku.