Vlora Çitaku, nënkryetare e PDK-së, ka reaguar në lidhme me intervistën e Albin Kurtit.
Çitaku ka vlerësuar se mbrëmë “Kurti zgjodhi të sulmojë gjithçka dhe secilin që nuk i nënshtrohet”.
Sipas saj, kjo nuk është forcë, për është panik.
“Mbrëmë, Albin Kurti zgjodhi të sulmojë gjithçka dhe secilin që nuk i nënshtrohet.
Prokurorinë. Gjyqësorin. Mediat. Aleatët. Oponentët.
Në vend se të japë llogari për dështimet, ai u bë mburojë politike për të akuzuarit për shpërdorime milionshe, nga energjia e deri te rezervat shtetërore.
Në vend të rezultateve, ofroi linçim.
Në vend të përgjegjësisë, arrogancë” – ka shkruar Çitaku, ndër të tjera.