Daut Haradinaj ka bërë të ditur se strukturat e AAK-së në Gjermani po përgatiten intensivisht për zgjedhjet e 7 qershorit.
Ai tha se gjatë një videokonference me degën e Shtutgartit, ka parë mobilizim dhe organizim të lartë të aktivistëve, të cilët po punojnë për regjistrimin e bashkatdhetarëve për votim.
Haradinaj falënderoi mërgatën për, siç tha, kontributin e vazhdueshëm ndaj Kosovës dhe mbështetjen për AAK-në.
Postimi i plotë:
Strukturat e Aleancës në Gjermani, plot energji, mobilizim dhe vullnet për zgjedhjet e 7 qershorit!
Sot, përmes një videokonference, zhvillova një bisedë shumë të mirë me kolegët e Aleancës në Gjermani nga Dega e Shtutgartit: kryetarin Pleurat Berisha, Hamëz Agaj, Hasan Hadergjonaj, Sedat Demniku, Kolë Gashi, Fatmire Neçaj, Zeqë Cekaj, Luan Hadergjonaj, Dukagjin Dobërdalani, Xhemail Prekolluka, Bashkim Hoxha, Muhamet Panxhaj, kandidatin për deputet, Nezir Gashi si dhe shumë aktivistë të tjerë.
I pashë më të organizuar se kurrë më parë, plot vullnet dhe energji, duke punuar pandërprerë për regjistrimin e bashkatdhetarëve për votim. Disa prej tyre do të vijnë edhe në vendlindje para zgjedhjeve, për të dhënë kontributin e tyre të drejtpërdrejtë në rezultatin historik që e pret Aleancën më 7 qershor.
I falënderoj përzemërsisht për angazhimin dhe besimin e palëkundur ndaj Aleancës. Mirënjohje të veçantë për mërgatën tonë, për kontributin që kanë dhënë dhe vazhdojnë ta japin për Kosovën.