Delegacioni i Biznesit të Kosovës u prit në Departamentin e Shtetit Amerikan

Një delegacion i bizneseve të Kosovës, përfshirë anëtarë të Odës Ekonomike Amerikane në Kosovë, u prit në Departamentin e Shtetit të SHBA-së, si pjesë e pjesëmarrjes së tyre në Samitin e Investimeve SelectUSA 2025, ku po eksplorojnë mundësitë për të investuar në Shtetet e Bashkuara të Amerikës.
“Takimi i dha mundësinë delegacionit të prezantonte planet e tyre të investimeve dhe aspiratat për një angazhim më të madh në tregun amerikan. Diskutimet u përqendruan gjithashtu edhe në zgjerimin e bashkëpunimit ekonomik dypalësh, duke përfshirë përmirësimin e shkëmbimeve tregtare dhe partneriteteve tregtare ndërmjet Shteteve të Bashkuara dhe Kosovës.
Oda Ekonomike Amerikane në Kosovë shprehu falënderimin e saj të sinqertë për Departamentin e Shtetit Amerikan për mbështetjen e vazhdueshme të përpjekjeve të Odës Amerikane për avancimin e njohjes digjitale të Kosovës në platformat globale teknologjike, një hap thelbësor që do t’u mundësonte bizneseve të Kosovës që të bëhen pjesë e tërësishme e ekonomisë ndërkombëtare digjitale;, thuhet në kumtesën e Odës Ekonomike Amerikane.