FILE PHOTO: Bosnian Serb leader Milorad Dodik attends a meeting with Russian President Vladimir Putin in Moscow, Russia, May 23, 2023. Sputnik/Alexey Filippov/Pool via REUTERS/File Photo
Pavarësisht vendimit të Gjykatës së Bosnjë dhe Hercegovinës, Milorad Dodik ka deklaruar se nuk do ta njohë heqjen e mandatit të tij dhe do të vazhdojë të veprojë si president i Republikës Serbe.
“Unë nuk do ta respektoj këtë vendim. Do t’i përmbahem vetëm vullnetit të popullit serb. Ju prisni që të nënshtrohem, por unë nuk do ta bëj këtë. Jam president i Republikës Serbe dhe ju mund të shkruani çfarë të doni. Populli më ka zgjedhur, jo një qeveri e huaj”, shkroi Dodik në rrjetin social X, në një reagim të ashpër ndaj vendimit.
Ai akuzoi institucionet që e hoqën nga detyra se nuk kanë respektuar as Kushtetutën e Bosnjë dhe Hercegovinës, as atë të Republikës Serbe, e as ligjin.
“Ju keni rrugën tuaj, ne do të ndjekim tonën. Shpresoj që ato rrugë të mos takohen”, përfundoi ai.
Vendimi i fundit erdhi pasi Dhoma e Apelit e Gjykatës së BeH hodhi poshtë ankesën e Dodikut kundër vendimit të Komisionit Qendror të Zgjedhjeve, i cili i revokoi mandatin pas një aktgjykimi gjyqësor që e shpallte fajtor për shkelje të ligjit.