Kryetari aktual i Vushtrrisë dhe kandidati i PDK-së edhe për një mandat në këtë qytet, Ferit Idrizi, ka treguar për momentin e kërcënimit nga kundërkandidati i tij në balotazh, Sylejman Meholli.
Idrizi ka kërkuar falje për incidentin, por ka thënë se Meholli kishte shkuar në debat me fabrikime e paragjykime.
“Nuk do të duhej të ndodhte, nuk është në natyrën e debatit, nuk është në kulturën time dhe të qytetarëve të Vushtrrisë, por kur e ke një kundërkandidat që vjen me akuza e paragjykime dhe fabrikime, pastaj mllefoset e del nga debati duke sharë e bërtitur e deri te kërcënimet”, ka thënë Idrizi.
“Nuk më ka ndodhur kurrë në debate televizive pavarësisht sa kanë qenë të ashpra”, ka thënë ai.