Pas takimit me kryeministrin në detyrë dhe kryetarin e Lëvizjes Vetëvendosje, Albin Kurti, në kuadër të bisedimeve për formimin e qeverisë së re, kryetarja e partisë Unionit Social Demokrat Duda Balje tha se i shtruan disa kërkesa të boshnajkëve dhe se janë në fazë bisedimesh, raporton Ekonomai Online.
“Sot kemi pasur takimin e parë. Unë dola para kryeministrit me disa kërkesa që i kemi ne si boshnjake. Nuk pati asgjë konkrete as nga ana e kryeministrit, as nga ana jonë. Jemi në fazën e bisedimeve. Nuk kemi caktuar takim të ardhshëm. Kemi folur, ne jemi pjesë e kuvendit, kemi të drejtë me folë me cdo parti. Kushtet janë të njëjta për cdo parti. Varet nga bisedat që do t’i kemi në këto 15 ditë”, tha Balje.
