Analisti politik Dukagjin Gorani ka komentuar qeverisjen e Lëvizja Vetëvendosje dhe ndikimin e saj në skenën politike në Kosovë gjatë viteve të fundit.
Në emisionin “Jetë o Jetë” me Jeton Zogjani në DTV Media, Gorani tha se pushteti aktual ka arritur ta përmbysë rendin politik të krijuar pas vitit 1999 në Kosovë.
Sipas tij, Vetëvendosje ka qenë në përpjekje për të çrrënjosur në mënyrë strukturore administratën dhe trashëgiminë institucionale të ndërtuar pas luftës. Ai vlerësoi se kjo përmbysje tashmë ka ndodhur, por ngriti dyshime për efektet e saj.
Gorani shtoi se në raste të caktuara, përmbysjet politike mund të krijojnë mundësi të reja dhe zhvillime progresive, megjithatë ai theksoi se nuk beson që ndryshimet e prodhuara nga Vetëvendosje kanë sjellë ndonjë rezultat të prekshëm apo përparim që mund të konsiderohet i rëndësishëm për vendin.