Më shumë se 900 njerëz kanë humbur jetën si pasojë e shpërthimit të Ebolës në Republikën Demokratike të Kongos, sipas shifrave më të fundit nga Ministria e Shëndetësisë e vendit.
Brenda 24 orëve u regjistruan 37 vdekje, një nga shifrat më të larta ditore të regjistruara ndonjëherë.
Aktualisht, 724 pacientë ndodhen në izolim dhe në spitale, njoftoi ministria, duke shtuar se po intensifikon përpjekjet e reagimit në zonat më të prekura.
Shpërthimi aktual i cili u shpall fillimisht në lindje të vendit më 15 maj dhe u cilësua si emergjencë globale shëndetësore dy ditë më vonë është ai me përhapjen më të shpejtë të regjistruar ndonjëherë, sipas AP-së.
Ebola është shumë ngjitëse dhe jashtëzakonisht e rrezikshme, por aktualisht nuk ka asnjë trajtim apo vaksinë të miratuar. Njerëzit mund të ekspozohen ndaj Ebolës përmes kafshëve të infektuara, personave të infektuar dhe sipërfaqeve apo objekteve të kontaminuara.Jashtë Republikës Demokratike të Kongos, janë regjistruar 20 raste të konfirmuara me dy viktima si dhe një rast i konfirmuar në Francë.