Deputeti i PDK-së, Elmi Reçica, ka deklaruar se Kosova është çliruar nga Ushtria Çlirimtare e Kosovës dhe jo nga kryeministri Albin Kurti.
Këto deklarata Reçica i bëri në “DTV Media”, ku komentoi zhvillimet në veri të vendit dhe pretendimet për “çlirimin” e asaj pjese.
“Nëse Albin Kurti e ka çliru veriun, atëherë UÇK-ja me këta liderë që janë në Hagë e kanë çliru Kosovën”, u shpreh ai.
Sipas Reçicës, në veri mund të ketë pasur ndryshime dhe zhvillime, por jo “çlirim”, duke shtuar se Kosova ka qenë e çliruar shumë më herët.
Ai tha se liderët e Ushtria Çlirimtare e Kosovës dhe pjesëtarët e saj “i kanë çliruar 10 mijë kilometra katrorë të Kosovës”, por sipas tij, nuk “po e rrahin gjoksin” për këtë.