Zjarri është duke vazhduar në majën e Goleshit, një pjesë ka përfshirë edhe fshatin Sankovc të Drenasit.
Zjarrfikësit kanë dalë në vendin e ngjarjes dhe janë duke u munduar vazhdimisht për ta vënë në kontroll.
Një pjesë e zjarrit në fshatin Sankovc është lokalizuar, në ndihmë u dolën edhe qytetarët e fshatit.
Në majën e Goleshit për të fikur zjarrin tashmë kanë shkuar zjarrfikësit nga Prishtina, kurse ata të Drenasit u detyruan që të largohen dhe të shkojnë për fikjen e zjarrit që shpërtheu në zonat e fshatrave Arllat dhe Gjurgjicë të Drenasit.