Zyrtari i Partia Socialdemokrate, Frashër Krasniqi, ka deklaruar se partia e tij nuk do të bëjë asnjëherë koalicion me Lëvizja Vetëvendosje.
Në një emision në DTV Media, Krasniqi tha se qëndrimi i PSD-së ndaj LVV-së lidhet me parimet politike që, sipas tij, ndjek kjo parti.
“Kurrë nuk do të bëjmë koalicion me LVV-në”, u shpreh ai, duke theksuar se dallimet mes dy subjekteve janë të pakapërcyeshme.
Gjatë intervistës, Krasniqi kritikoi edhe opozitën në vend, duke vlerësuar se ajo nuk po e kryen rolin e saj si duhet. Sipas tij, nuk mund të ekzistojë një demokraci funksionale pa një opozitë të fortë dhe aktive.
Ai theksoi se mungesa e një opozite efektive dëmton debatin politik dhe funksionimin demokratik të institucioneve, duke bërë thirrje për më shumë përgjegjësi dhe angazhim në skenën politike.