Një 62-vjeçar është gjetur pa shenja jete në rrugën “Faruk Spahija” në Mitrovicë.
Lajmin e ka konfirmuar zëdhënësi i Policisë së Kosovës për rajonin e Mitrovicës, Avni Zahiti, shkruan Insajderi.
“Hetuesit policorë, me autorizim të prokurorit kompetent, kanë nisur hetimet lidhur me një rast vdekjeje. Viktima, mashkull kosovar rreth 62 vjeç, është gjetur pa shenja jete në rrugën ‘Faruk Spahija’, në Mitrovicë”, ka deklaruar Zahiti.
Ai ka bërë të ditur se, me vendim të prokurorit kompetent, trupi i pajetë është dërguar për obduksion.
“Rasti është duke u hetuar”, ka shtuar Zahiti.