Arlinda Zekaj u vra më 25 tetor në shtëpinë e saj. I dyshuari për vrasjen e saj me sëpatë është ish-kunati i saj, Albert Sylaj, i cili aktualisht ndodhet në arrati.
Ndërkaq, vëllai i tij, Jeton Sylaj, ish-bashkëshorti i Arlindës, ndodhet në paraburgim për mosrespektim të urdhrit të gjykatës.
Për sjelljen e Jeton Sylajt ndaj tashmë të ndjerës ka folur shoqja e Arlindës, Anna Zhubi. Ajo ka treguar se Jetoni e përbuzte dhe e ofendonte vazhdimisht Arlindën.
“Gjithmonë e përbuzte, e ofendonte, gjithmonë e bënte të ndihej më e vogël, më e ulët dhe jo e barabartë me rrethin ku ishte”, ka deklaruar ajo.