Deputeti i Partisë Demokratike të Kosovës (PDK), Përparim Gruda, tha deklaruar se deputetët e kësaj partie do të marrin pjesë në vazhdimin e seancës konstituive, me qëllim që Kosova të ketë të paktën institucionin e saj ligjvënës para 16 shtatorit, datë kur pritet vendimi për ish-krerët e UÇK-së në Hagë.
Gruda tha se shpreson seanca se kjo nuk do të jetë siç e quajti ai “një lojë e radhës politike”.
“Për ta thirrur një seancë dhe për mos ta themeluar kuvendi. Kjo se çka po ndodh sot është në linjë me atë se çka kemi thënë ne”, tha Gruda. Vendimet që dalin më pas dhe mënyrën si po themelohet ky kuvend e vënë në pikëpyetje kushtetutshmërinë dhe legalitetin e vendimet të këtij kuvendi”, tha ai.
Ai bëri të ditur se PDK-ja për momentin nuk do t’i drejtohet Gjykatës Kushtetuese.
“Mirë që erdhëm në këtë ditë, shpresoj që sot mos të jetë një lojë e radhës politike për të thirrë seancë e mos me themelu Kuvendin”, u shpreh ai.
Gruda tha se pas datës 16 shtator, PDK-ja do ta vlerësojë nëse çështja duhet të dërgohet në Gjykatën Kushtetuese.
“Momentalisht nuk do t’i drejtohemi Kushtetueses. Kemi thënë që do ta themelojmë Kuvendin për shkak të një ngjarjeje historike që ka Kosova më 16 shtator. Pas 16 shtatorit do ta vlerësojmë nëse çështja do të shkojë në Gjykatë Kushtetuese apo jo”, tha Gruda.
Në fund, deputeti i PDK-së foli edhe për ish-presidentin Hashim Thaçi, duke shprehur bindjen se ai do të lirohet.
“Hashim Thaçi do të jetë i lirë dhe ne jemi të bindur”, deklaroi Gruda.