Ish-deputeti i Partisë Demokratike të Kosovës, Xhavit Haliti, ka thënë se po përgatitet diçka befasuese për seancën konstituive që pritet të mbahet nesër.
Ai ka thënë se shpreson se“ajo që mund të ndodhë nesër, të jetë zgjidhje që mos të shkohet në zgjedhje”.
“Tani kurë të gjithë prisnin, duke përfshirë edhe ndërkombëtarët, të cilët dolën nga seanca të zhgënjyer nga klasa politike e Kosovës, të çuditur nga kjo papërgjegjëshmëri ndaj vendit e popullit, jo vlerësues ndaj atyre që e fituan e atyre që na ndihmuan ta fitojmë lirinë e ta konsolidojmë pavarësinë. Është e vështirë të parashikosh se çfarë mund të ndodhë nesër. Megjithatë, mendojë që 80% e të zgjedhurve janë lodh nga këto akrobacione, krejtësisht pa ndonjë vlerë për të ardhmen e vendit. Si duket për nesër është përgatitur që të gatuhet diçka që mos t’i djegin mandatet e tyre deputetët. Ajo që mund të ndodhë nesër, shpresoj të jetë zgjidhje që mos të shkohet në zgjedhje. Megjithatë, besoj që do ketë surpriza befasuese”– ka thënë ai për Gazetën Blic.
Theksojmë se sot për herë të 52-të ka dështuar konstituimi i Kuvendit të Kosovës.
Seanca pritet të vazhdojë nesër nga ora 14:00.
Dje, Gjykata Kushtetuese ka vendosur masë të përkohshme, sipas detyrës zyrtare, që seancat e Kuvendit të ndërpriten nga data 27 korrik deri më 8 gusht.