Anëtari i Kryesisë së LDK-së, Muhamet Hamiti, e ka kritikuar VV-në për ndryshim të qasjes me ardhjen në pushtet.
Ai ka bërë me dije se dikur partia e Albin Kurtit për gjithçka fajësonte qeveritë.
Në profilin e tij në “Facebook”, ai ka shkruar se me ardhjen në qeveri kjo parti po i fajëson të tjerët.
“Kur ishte në opozitë, VV-ja e fajësonte Qeverinë e kohës për çkado që s’shkonte mirë në Kosovë, simbas tyre. Prej kur është në pushtet VV-ja, Qeveria e Albin Kurtit nuk është përgjegjëse për asgjë. Të tjerët i kanë fajet përherë, duke përfshirë për keqqeverisjen e këtyre viteve”, ka shkruar Hamiti.