Kreu i PDK-së, Bedri Hamza, ka uruar popullin amerikan në Ditën e Falënderimeve, duke shprehur mirënjohjen për të gjithë ata që shërbejnë në Kosovë.
Me këtë rast, Hamza përmendi edhe partneritetin dhe mbështetjen historike të Shteteve të Bashkuara të Amerikës ndaj vendit tonë.
“Gëzuar Ditën e Falënderimeve popullit amerikan dhe të gjithë amerikanëve që shërbejnë në Kosovë!
Kjo është një ditë që na bashkon të gjithëve me mirënjohje, pavarësisht largësisë.
Jemi mirënjohës për miqësinë, partneritetin dhe mbështetjen historike e të pazëvendësueshme të Shteteve të Bashkuara të Amerikës për vendin tonë.
Shumë mirësi dhe bekime për të gjitha familjet amerikane! 🇽🇰🇺🇸” – ka shkruar Hamza.