Ish-nënkryetari i Organizatës së Veteranëve të Luftës së UÇK-së, Nasim Haradinaj, ka bërë të ditur se familja e ti ka takuar të martën familjen Gërvalla.
Haradinaj ka theksuar se familja Gërvalla u kishte ardhur për vizitë për t’iu treguar se janë gjithmonë bashkë, dhe se distancohen nga gjuha denigruese e ministres Donika Gërvalla.
“Pritëm mysafir familjen Gërvalla, që erdhën me tregu se ne jem bashkë ashtu siç kemi qenë, ne jemi ata që në mesin e familjeve tona nuk mund të hy askush, qoftë edhe anëtar i familjes tanë. Kështu që ata erdhën dhe thanë që distancohen nga fjalimi i Donikës, komplet dhe distancohen nga çdo fjalim që është kundër Haradinajt, kundër UÇK-së dhe kundër vetë këtij populli. Prandaj ata erdhën me tregu se ne jemi bashkë, dhe ne do të jemi gjithmonë bashkë, dhe kushdo qoftë që tenton, ose të dalë qoftë nga familje si dele e zezë, do të jetë i distancuar nga ta. Kështu që kjo është një shenjë solidariteti me popullin e Kosovës, me Drenicën me Llapin, Dukagjinin, Preshevën dhe me kombin”, ka deklaruar Haradinaj.
Kandidatja për deputete nga LVV-ja, Gërvalla gjatë një tubimi elektoral e ka quajtur Haradinaj “Gjeneralë të vetëshpallur”.
Për këtë, Paneli Zgjedhor për Ankesa dhe Parashtresa (PZAP), ka dënuar me 10 mijë euro Lëvizjen Vetëvendosje, për shkelje të Kodit të Mirësjelljes për Subjektet Politike gjatë fushatës zgjedhore.
Në Vendim thuhet se AAK-ja është ankuar se kandidatja për Deputete, Donika Gërvalla dhe kandidati për Kryeministër, Albin Kurti kanë përdorur gjuhë të papërshtatshme gjatë fjalimit të tyre në një tubim në Deçan, më 26.01.2025.