Kryetari i AAK-së, Ramush Haradinaj ka reaguar ndaj veprimeve të djeshme të akterëve të Vetëvendosjes, të cilët pas shkuarjes së FSK bashkë me KFOR-in në veri i seleksionuan fotografit dhe i postonin ato ku nuk dukeshin veturat e KFOR-it, shkruan Periskopi.
Haradinaj përmes një postimi në Facebook, u tha se aleanca me NATO-n në krye me ShBA është qenësore për Kosovën.
Postimi i plotë:
Aleanca me NATO-n në krye me ShBA është qenësore për Kosovën. Vendimet e marrura në koordinim me aleatët tanë janë pashmangshëm në favor të shtetit tonë sovran dhe të ardhmes së tij.
Hisedarët e shtetësisë së Kosovës nuk mund të anashkalohen, i jemi përjetësisht falënderues NATO-s dhe trupave të tyre të KFOR-it për angazhimin e vazhdueshëm në ngritjen e cilësisë dhe kapaciteteve tona ushtarake të FSK-së.
Shpreh ngushëllimet e mia më të sinqerta familjes së qytetarit që humbi jetën në Liqenin e Ujmanit. Në këtë moment dhimbjeje, jemi pranë familjarëve dhe të afërmve të tij.