Kryetari i AAK-së, Ramush Haradinaj ka shkruar në lidhje me tragjedinë që ka ndodhur dje në Vjenë të Austrisë, ku në mesin e viktimave janë edhe tre qytetarë nga Kosova.
Ai ka shprehur ngushëllime për familjarët e këtyre viktimave.
“I trishtë lajmi për vdekjen tragjike të tre qytetarëve të Kosovës në vendin e tyre të punës në Vjenë të Austrisë. Në këto momente të rënda, ndajmë dhimbjen me familjet e viktimave dhe me të gjithë ata që i njohën. Zoti ua lehtësoftë dhimbjen!”, ka shkruar Haradinaj.