Ushtruesja e detyrës së presidentes, Albulena Haxhiu, ka caktuar 6 gushtin si datën për mbajtjen e seancës konstituive të Kuvendit të Kosovës, vetëm një ditë para përfundimit të afatit kushtetues.
Përmes një letre zyrtare, Haxhiu e ka njoftuar nënkryetarin e legjislaturës së kaluar të Kuvendit, Ardian Gola, për këtë vendim, duke i kërkuar që njoftimin t’ia përcjellë edhe Kryesisë së vjetër të Kuvendit.
Sipas praktikës parlamentare, pas zgjedhjeve është pikërisht Kryesia e legjislaturës së kaluar ajo që është përgjegjëse për përgatitjen e seancës konstituive dhe përcaktimin e rendit të ditës.
Ndërkohë, bazuar në aktgjykimet e Gjykatës Kushtetuese, me konstituimin e Kuvendit nis edhe periudha 60-ditore, gjatë së cilës deputetët e legjislaturës së re duhet të zgjedhin presidentin e ri të Kosovës. Nëse kjo nuk ndodh brenda këtij afati, vendi shkon sërish në zgjedhje.
