Ish-deputeti i LDK-së, Lutfi Haziri ka deklaruar se dy legjislaturat e Kuvendit dështuan për qëllime politike.
Përmes një postimi në Facebook, Haziri shton se sot, më shumë se kurrë, duhet të kthehet dashurinë ndaj Republikës, duke qenë se Kosovës i ka dhënë emër e identitet.
“Dështim i qëllimshëm i dy legjislaturave të Kuvendit të Republikës për qëllime politike. Le ta harrojnë se mentaliteti parti-shtet nuk mund të ndërtohet kurrë, sepse Kosova meriton më mirë”.
“Jemi në muajt e nderimit e respektit për martirët, dëshmorët dhe heronjtë dhe obligohemi që të gjunjëzohemi para tyre, me falënderim e mirënjohje. Politika kërkon pak, shumë pak sakrificë personale për qëllime madhore. Republika mbi të gjithë. LDK, besë e shpresë për Kosovën!”, ka shkruar ai.