Përplasjet brenda LDK-së pas rezultatit që prodhuan zgjedhjet e 7 qershorit, kanë vazhduar.
Bajram Gecaj i cili kërkoi publikisht që kreu i partisë, Lumir Abdixhiku të marrë përgjegjësi dhe të ofroj dorëheqjen, mori reagime nga krahu i Abdixhikut.
Ishte deputeti i zgjedhur, Paris Guri, i cili i ka dalë në mbrojtje Abdixhikut duke thënë se kritikat po vijnë nga ata që gjatë fushatës nuk u panë në terren duke punuar për ngritjen e LDK-së.
E Gecaj i është kundërpërgjigjur Gurit me një fotografi me nënkryetarin e partisë, Lutfi Haziri.
“Lidhja Demokratike e Kosovës, dje, sot, nesër e përherë”, ka shkruar Gecaj sipër fotografisë.