Një incident fizik ka ndodhur dje në qendrën tregtare Prishtina Mall, ku janë përfshdirë dy persona (njëri i mitur) dhe kapiteni i Njësive Speciale të Policisë së Kosovës, Besart Ahmeti.
Pas incidentit, në rast janë përfshirë zyrtarët policorë nga Stacioni Policor në Graçanicë, ndërsa më pas është angazhuar edhe Njësia për Reagim të Shpejtë (NJRSh).
KALLXO.com ka siguruar informacione sipas të cilave Prokuroria e Prishtinës ndaj kapitenit Ahmeti ka nisur hetime për kanosje lidhur me këtë rast, ndërsa një udhëheqës toge i Njësisë Speciale është duke u hetuar për keqtrajtim gjatë detyrës zyrtare.
Ndryshe, krejt situate e përleshjes fizike dyshohet se ka ndodhur nga mosmarrëveshja për një parking.