Driton Talin, ish-këshilltar i Albin Kurti, e ka kritikua ashpër ish-shefin e tij.
Ai ka theksuar se lideri i VV-së po i privilegjon pinjollët e UDB-së.
Në profilin e tij në Facebook, ai ka shkruar se Kurti ata i ka futur në listë për deputet e po ju jep poste të larta shtetërore.
“Bashkimi Kombëtar! Dikur Hashimi pinjollët e UDB’ës i mbante rreth vetit. E Albini edhe në listë të deputetëve i ka futë, bile po u jep edhe poste të rëndësishme shtetërore. Kjo është bashkim kombëtar në vepër, jo veç me fjalë!”, ka shkruar ai.
Driton Tali për një kohë të gjatë kishte bashkëpunuar me VV-në dhe Albin Kurti.
Në zgjedhjet e vitit 2017 ai ishte pjesë e listës së VV-së për deputet, kurse në vitin 2019, Kurti e kishte emëruar si këshilltar politik për çështje të koordinimit të SHERPA dhe zbatimit të Planit Shumëvjeçar të Veprimit për Zonën Ekonomike Rajonale.