Anëtari i kryesisë së Aleancës për Ardhmërinë e Kosovës, Ahmet Isufi ka thënë se Lëvizja Vetëvendosjes nuk është e interesuar për të gjetur zgjidhje dhe se vendi mund të shkojë në zgjedhje të jashtëzakonshme parlamentare.
Ai ka thënë se edhe pas përgjigjes së Gjykatës Kushtetuese ndaj kërkesës së Listës Serbe për cështjen e nënkryetarit nga komuniteti serb, VV do të gjejë forma të sabotimit.
Gjykata Kushtetuese do të bazohet në Kushtetutën e Republikës së Kosovës dhe do të kthejë përgjigjen.Por, pavarësisht kthimit të përgjigjes, Vetëvendosje do ta gjejë përsëri një formë të sabotimit të funksionimit të Kuvendit. Së fundi ndoshta do të shkojmë në zgjedhje, sepse këta nuk janë të interesuar të gjejnë zgjidhje. Këta duan një sistem që nuk është funksional por shfrytëzues në raport me institucionet”, ka thënë Isufi në emisionin “Ditari” në Tëvë1.
Ai ka kritikuar edhe presidenten Vjosa Osmani duke thënë se mosangazhimi i saj tregon se e para e vendit nuk dëshiron të prish raportet me Kurtin.Mosangazhimi i saj në këtë drejtim, tregon se ajo është e gatshme të prish raportet me Kurtin, sepse i konvenon që të jetë në harmoni me të. Në të njëjtën kohë mbanë raporte me ndërkombëtarët duke pasur një qasje ndryshe. Pra në një farë mënyre është duke mbet në një balancë në të cilin ajo dëshiron ta shoh vetveten”, ka thënë Isufi.
Pavarësisht, mosvotimit të nënkryetarit nga komuniteti serb, kryetari i Kuvendit Dimal Basha, ka thënë se kuvendi është i konstituuar, pasi sipas tij pika e katërt e seancës konstituive është ezauruar.Për nënkryetar të Kuvendit nga komuniteti serb nuk kanë marrë votat e mjaftueshme asnjë nga deputetët e Listës Serbe, por as i vetpropozuari Nenad Rashiq.