Naser Arifi, këshilltar i Donika Gërvallës, ka reaguar për largimet që kanë ndodhur nga partia GUXO, të cilët më pas iu bashkuan Vjosa Osmanit.
Ai pretendoi se Haxhi Avdyli dhe Albena Reshitaj kishin përplasje të mëdha.
Në këtë kontekst, ai bëri një koment edhe për pamjen e Avdylit.
“Jeta, Haxhia e Albena copa patën dashtë me u ba për numër në një mbledhje të kryesisë. Në një rast mu pat kriju ma shumë përshtypja se kanë me u rrokë për flokësh, edhe pse Haxhia s’ka pas flokë, e ka pas një përparësi në këtë tentim-kacafytje”, shkroi ai.
Ndërkohë, për Jeta Statovcin thotë se kishte qarë për numër.
Sipas tij, treshja kishin para vetes vetëm interesat personale.
“Edhe gjithmonë kur vishin në mbledhje, kalkulatorët e interesit personal mezi ua zinte dera”, shkroi Arifi në një postim në “Facebook”.
