Tejkalim të bllokadës politike dhe përparim të prekshëm në dialogun me Serbinë ka kërkuar kancelari i Austrisë, Christian Stocker, pas takimit që ka zhvilluar me kryeministrin në detyrë të Kosovës, Albin Kurti, të martën.
Ai ka thënë se Kosova është një partnere “e rëndësishme për Austrinë dhe Evropën, dhe ne do të vazhdojmë ta mbështesim plotësisht rrugëtimin e saj drejt Bashkimit Evropian”.
“Kosova është një partner i rëndësishëm për Austrinë dhe Evropën, dhe ne do të vazhdojmë ta mbështesim plotësisht rrugën e saj drejt Bashkimit Evropian.Tani është koha për të kapërcyer bllokimin politik, për të çuar përpara reformat dhe për të bërë përparim të prekshëm në dialogun e lehtësuar nga BE-ja me Serbinë. Një e ardhme e qëndrueshme evropiane për Ballkanin Perëndimor mbetet qëllimi ynë i përbashkët”, ka shkruar ai.