Korporata Energjetike e Kosovës ka miratuar të premten tarifat me të cilat kapacitetet e ndërmarrjes do t’u ofrohen partnerëve afaristë, KEDS-it/KESCO-s dhe KOSTT-it për periudhën 1 prill 2025 – 31 mars 2026.
Sipas njoftimit pas mbledhjes së Bordit të Drejtorëve, është thënë se tarifat e prodhuesit të KEK-ut nuk kanë ndryshuar prej vitit 2019.
Njoftimi i plotë:
Në mbledhjen e rregullt të Bordit të Drejtorëve të Korporatës Energjetike të Kosovës (KEK sh.a.), mbajtur sot, janë aprovuar tarifat me të cilat kapacitetet e KEK-ut do t’u ofrohen partnerëve afaristë, KEDS/KESCO dhe KOSTT për periudhën e ardhshme tarifore, që do të fillojë më 1 Prill 2025 dhe do të përfundojë më 31 Mars 2026.
Tarifat e aprovuara për këtë periudhë janë si vijon:
•Për KESCO – shërbimi universal: 29.50 € për MW/h
• Për KEDS – humbjet në rrjete: 36.00 € për MW/h
• Për KOSTT – humbjet në transmission: 36.00 € për MW/h
Vlen të theksohet se tarifat e prodhuesit KEK kanë mbetur të pandryshuara që nga viti 2019. KEK vazhdon të mbetet kontribuesi kryesor në sigurimin e çmimit më të ulët të mundshëm të energjisë elektrike në rajon dhe më gjerë, pavarësisht vështirësive të prodhimit, investimeve kapitale në mirëmbajtjen e teknologjisë, si dhe sfidave të tjera që KEK ka hasur gjatë periudhës së pandemisë dhe krizës globale energjetike që ka pasuar pas luftës në Ukrainë