Gazetari Lirim Mehmetaj ka kujtuar se kur kryeministrja e Italisë, Giorgia Meloni ishte mashtruar nga dy komedianët rusë, që mashtruan edhe kryeministrin Albin Kurti, këshilltari kryesor i saj kishte dhënë dorëheqje.
Mehmetaj përmes një shkrimi në llogarinë e tij në Facebook, ka pyetur se a do të ketë dorëheqje edhe në Kosovë.
“A do ketë dorëheqje edhe në Kosovë?
Kur kryeministrja e Italisë, Giorgia Meloni, pati ra në kurthin e dy komedianëve rusë – njëjtë qysh ra edhe ky hajvani jonë, Albin Kurti – atje menjëherë pati pasu shkarkimi/dorëheqja e këshilltarit kryesor të saj, Francesco Talo.
Ai e kishte marrë përgjegjësinë për lëshimin, kishte kërku falje dhe ishte largu” – ka shkruar ai.
Madje, Mehmetaj ka thënë se opozita në Itali kishte kërkuar seancë të jashtëzakonshme parlamentare për këtë incident.
“A qe në Kosovë nuk ka shanse me ndodhë kjo.
Bile provuan të nxirren paturpësisht duke deklaru se ky ishte një sulm nga Rusia.
Jo tybe, ky ishte një sulm nga budallaku juaj kolosal” – ka thënë ai.