Llojet e ndryshme të kancerit kanë dallime të mëdha sa i përket shkallës së vdekshmërisë, ndërsa një raport i publikuar në Shtetet e Bashkuara ka evidentuar disa prej formave më vdekjeprurëse të sëmundjes.
Raporti, i bazuar në të dhënat e mbledhura gjatë periudhës 2010–2014, ka analizuar shkallën e vdekjeve nga kanceri te burrat, gratë dhe fëmijët, në grupe të ndryshme racore dhe etnike.
Sipas të dhënave, te meshkujt kanceri i mëlçisë, pankreasit dhe trurit renditet ndër format me shkallën më të lartë të vdekshmërisë.
Ndërkaq, te gratë, kanceri i mëlçisë dhe ai i mitrës janë evidentuar ndër llojet më vdekjeprurëse.
Raporte të tilla publikohen periodikisht në SHBA dhe synojnë të paraqesin të dhëna mbi incidencën dhe vdekshmërinë nga llojet e ndryshme të kancerit, duke ndihmuar në identifikimin e formave të sëmundjes që paraqesin rrezikun më të madh për jetën.