Balerina e njohur shqiptare, Klaudia Pepa, ka ndarë për herë të parë detaje nga jeta e saj personale, gjatë një interviste. E njohur për karrierën e suksesshme në Itali dhe për jetën private diskrete, artistja zbuloi se është në një lidhje dashurie.
“Jam e dashuruar, jam me dikë, por personi është larg dritave, larg ekranit, kështu që preferojmë për momentin të mos kemi dalje publike. Por, sigurisht që do të vijë momenti që do ta them”, u shpreh Klaudia, duke lënë të kuptohet se marrëdhënia është serioze.
Ndër të tjera Pepa shtoi me humor se nëse gjithçka shkon mirë, mund të vijë në studio bashkë me partnerin në një të ardhme të afërt.
“Nëse gjërat shkojnë mirë, mund të vijmë këtu bashkë,” i shpreh ajo.
E pyetur rreth planeve për të zgjeruar familjen, balerina tha se nuk është ende momenti:
“Shumë herët nuk është, nuk është as vonë, por besoj kur të vijë momenti i duhur. Padyshim që dua të bëhem nënë, por kur të vijë momenti i duhur, me personin e duhur,” u shpreh Klaudia në “S’e luan topi”.