Avokati Arianit Koci ka bërë të ditur se ka depozituar në Gjykatën Kushtetuese njoftimin për, siç pretendon ai, moszbatimin e aktgjykimit të Gjykatës në rastet KO256/26 dhe KO258/26.
Në një reagim të publikuar pas zgjedhjes së Justina Shiroka-Pulës presidente të Kosovës, Koci ka theksuar se Gjykata Kushtetuese kishte përcaktuar që procedura për zgjedhjen e Presidentit duhej të përfundonte deri më 6 tetor 2026.
“Gjykata në nenin 226 të aktgjykimit e ka theksuar edhe pasojën juridike në rast se afati nuk respektohet: shpërndarja e Kuvendit”, ka shkruar Koci.
Ai ka shtuar se, sipas të dhënave publike, votimi për presidenten ka vazhduar edhe pas mesnatës, duke ngritur kështu çështjen e respektimit të afatit të përcaktuar nga Kushtetuesja.
“Vendimet e Gjykatës Kushtetuese janë të detyrueshme. Pa zbatimin e tyre, nuk ka shtet e shoqëri”, ka përfunduar Koci.