Komisioni Qendror i Zgjedhjeve ka dal me përditësimin e fundit mbi numërimin e votave për kandidatët për deputet në komunat në mbarë Kosovën.
Sipas KQZ-së deri në ora 16:00 janë numëruar 63.60% e vendvotimeve për votat e kandidatëve për deputetë.
Më poshtë postimin e plotë të KQZ-së:
Sipas të dhënave të pranuara nga Qendrat Komunale të Numërimit, në të cilat është duke vazhduar apo ka përfunduar procesi i numërimit të votave të kandidatëve për deputetë nga Zgjedhjet për Kuvendin e Kosovës, deri më 16 shkurt 2025, ora 16:00, janë numëruar 63.60% e vendvotimeve apo 1,611 nga 2,533.
Procesi i numërimit të votave ka përfunduar në 14 Qendrat Komunale të Numërimit (QKN) në komunat: Deçan, Kamenicë, Novobërdë, Obiliq, Shtërpcë, Suharekë, Viti, Junik, Mamushë, Hani i Elezit, Ranillug, Partesh, Kllokot dhe Mitrovicë e Veriut.
Më 16 shkurt, në orë 16:00, procesi i numërimit ka filluar edhe në QKN-në e komunave Leposaviq, Zveçan dhe Zubin Potok.
Në përgjithësi, procesi i numërimit është duke vazhduar në 24 Qendra Komunale të Numërimit.
Në tabelë paraqitet progresi i numërimit të vendvotimve sipas komunave.