Rrezarta Krasniqi nga radhët e LDK-së, e cila do të garojë në zgjedhjet e parakohshme parlamentare të 28 dhjetorit me numër 36, ka kritikuar ashpër Qeverinë Kurti.
Ajo ka theksuar se kjo qeveri, që ende është në detyrë, i ka harruar qytetarët e Kosovës, duke përmendur veçanërisht inflacionin dhe çmimet e larta.
“Kur të shkosh te arka duhet me mendu cilin produkt me e heq”, u shpreh ajo.
Sipas Krasniqit, qytetarët do ta ndëshkojnë Qeverinë Kurti dhe Lëvizjen Vetëvendosje (VV) me votë për keqqeverisjen e tyre më 28 dhjetor.
“Qytetarët do ta ndëshkojnë me votë keqqeverisjen e Kurtit dhe VV-së. 28 dhjetori është dita kur do të marrë fund pushteti i këtyre njerëzve që e dëmtuan shtetin e Kosovës,” përfundoi ajo.