Albert Krasniqi nga organizata Demokraci Plus ka renditur nga tri tema që Lëvizja Vetëvendosje “i ka fituar” dhe tri të tjera që “i ka fituar” opozita gjatë pesë vjet qeverisjesje të Albin Kurtit.
Ai shkroi në një postim në Facebook:
Gjatë pesë viteve të qeverisjes së VV-së, janë disa çështje që qeveria i ka paraqitur si “suksese të padiskutuara” dhe disa të tjera që opozita i ka paraqitur me efekt si dështime të qeverisjes.
Temat që VV i ka fituar:
1. Shtrirja e sovranitetit në veri dhe luftimi i grupeve kriminale atje.
2. Fuqizimi ushtarak i Kosovës, duke krijuar idenë se vendi mund të përballet i vetëm me çdo kërcënim eventual nga Serbia.
3. Imazhi i qeverisë ku rastet e korrupsionit paraqiten si të izoluara dhe si veprime që ndodhin pa dijenin ose përfshirjen e kryeministrit Kurti.
Temat që opozita i ka fituar:
1. Mafia energjetike në nivele qeveritare, e cila – sipas opozitës – vepron në Kosovë dhe ka lidhje me Serbinë.
2. Dobësimi i aleancave me shtetet mike, si rezultat i veprimeve të pamatura dhe qasjeve konfrontuese të qeverisë.
3. Stagnimi ekonomik dhe mungesa e investimeve, përfshirë përkeqësimin e klimës së biznesit dhe rënien e investimeve të huaja.