Kryetari i PDK-së, Memli Kransiqi, ka reaguar pas ngjarjes tragjike në Gjilan, ku mbeten të vrarë tre persona.
Krasniqi tha se kjo ngjarje tragjike është dhembje e madhe për të gjithë por edhe alarm për pasigurinë që po rritet.
“Ky është një tjetër alarm për pasigurinë, kriminalitetin dhe fenomenet negative që po rriten vitet e fundit në Kosovë”.
“Institucionet duhet të veprojnë shpejt për t’i sjell akterët para drejtësisë, por edhe për të rikthyer sigurinë dhe besimin e qytetarëve. Ngushëllimet më të sinqerta për familjet e viktimave”, shkroi Krasniqi.Gjilani sot është tronditur nga një vrasje e trefishtë në qendër të qytetit, ku policia tashmë e ka shpallur në kërkim të dyshuarin Mefail Shkodra për “vrasje të rëndë”.