Situata me bërllokun në shumë lagje të Prishtinës është jashtëzakonisht e tmerrshme.
Shumë qytetarë kanë dërguar fotografi në redaksinë e Klankosova.tv për ditë me radhë përmes të cilave kanë treguar se situata me bërllokun është shqetësuese.
Lidhur me këtë çështje, ka folur sot kryetari i Prishtinës, Përparim Rama.
Ai thotë se komuna po shfrytëzon të gjitha kapacitetet alternative që ka në dispozicion për të menaxhuar situatën me mbeturinat, e cila është shkaktuar nga ndërprerja e shërbimeve të Ndërmarrjes “Pastrimi”.
Rama bën të ditur përmes një postimi në Facebook, se nga dita e hënë, pra nesër, shërbimi do të rikthehet në normalitet.
“Qytetarët e kryeqytetit as nuk duhet e as nuk meritojnë të përballen me situata të tilla që cenojnë shëndetin publik dhe dinjitetin qytetar, dhe ju siguroj që kjo nuk do të ndodhë më”, ka shkruar ai.