Kryeministri Albin Kurti ka deklaruar se kryetari i PDK-së, Bedri Hamza, nuk po pranon të takohet me të.
Kurti tha se pas takimit të mbrëmshëm kishin lënë të hapur mundësinë për një takim edhe sot, por sipas tij, Hamza e ka refuzuar.
“Nga takimi i mbrëmshëm, e lamë mundësinë hapur që të takohemi edhe sot, por meqë kryetari i PDK-së, Hamza, s’po do të takohet më me mua, unë po i drejtohem në këtë konferencë”, tha Kurti.
Ai shtoi se pa takim nuk mund të ketë marrëveshje.
“Tash Bedri Hamza na ka kushtëzuar në mënyrë ultimative dhe refuzon të takohemi”, deklaroi Kurti.