Kryeministri i Kosovës, Albin Kurti është pyetur sot nga gazetarët në lidhje rritjen e çmimit të naftës.
Për mundësinë e heqjes së akcizës dhe uljes së TVSH-së, Kurti ka thënë se nuk është ide e mirë, ndërsa ka paralajmëruar një ndihmë tjetër për qytetarët.
“Unë e paralajmërova se shumë shpejtë do të kemi pakon 200 milionë euro, që do jetë pikërisht për qytetarët që të përballojnë sa më lehtë rritjen e çmimeve dhe inflacionin”, ka thënë Kurti.
Ai ka përmendur edhe ligjin për çmime tavan, që sipas tij do të bëhej para tre vitesh por ishte ndaluar nga Gjykata Kushtetuese.
“Së shpejti do të kemi edhe ligjin për tavanin e produkteve bazë. Në fakt që tri vite do ta kishim po të pyeteshim vetëm ne, por Gjykata Kushtetuese në mandatin e kaluar ishte shndërruar në zyrë për ankesa e ato ankesa veç se na vononin. S’do të ishim në këtë gjendje po ta kishim atë ligj, por do ta kemi së shpejti”, ka shtuar Kurti.