Kylian Mbappe mund ta përfundojë Kupën e Botës 2026 pa medalje ekipore, pasi Franca u mposht 6-4 nga Anglia në ndeshjen për vendin e tretë.
Megjithatë, sulmuesi francez mbetet favoriti kryesor për ta fituar Këpucën e Artë, çmimin që i jepet golashënuesit më të mirë të turneut.
Mbappe kryeson renditjen me 10 gola, ndërsa Lionel Messi ka tetë dhe do ta zhvillojë finalen ndaj Spanjës me Argjentinën.
Në rast se Messi shënon dy gola në finale, ai do të barazohej me Mbappen me nga 10 realizime. Të dy kanë gjithashtu nga katër asistime, ndaj kriter vendimtar do të bëheshin minutat e luajtura.
Mbappe e ka mbyllur turneun me 699 minuta në fushë, ndërsa Messi aktualisht ka 620. Nëse kapiteni argjentinas luan 90 minuta në finale, ai do të arrinte në 710 minuta.
Kështu, edhe nëse Messi barazon Mbappen në gola dhe asistime, Këpuca e Artë do t’i takonte francezit, pasi ai do ta kishte arritur të njëjtin kontribut ofensiv në më pak minuta.