Kryesia e Kuvendit të Kosovës ka mbajtur mbledhjen e radhës të paraparë për sot.
Në këtë mbledhje, është miratuar procesverbali i mbledhjes së mëparshme, ndërsa më pas është shqyrtuar propozimi i rendit të ditës për seancën plenare të radhës.
Ndër pikat kryesore që janë diskutuar:
Projektligji për anëtarësimin e Republikës së Kosovës në Bordin e Paqes,
Ratifikimi i marrëveshjes ndërmjet Kosovës dhe Shqipërisë për organizimin e Lojërave Mesdhetare “Prishtina 2030”,
Projektligji për Energjinë dhe ai për Energjinë Elektrike,
Projektligji për Inspektoratin Qendror të Trashëgimisë Kulturore,
Emërimi i tre anëtarëve të Këshillit Shtetëror të Cilësisë në Agjencinë e Kosovës për Akreditim,
Formimi i Komisionit për dhënien e Provimit të Jurisprudencës.