Kryetari i Nismës Socialdemokrate, Fatmir Limaj ka ritheksuar se duhet marrëveshje politike për ndërtimin e institucioneve, në të kundërtën sipas tij çdo zgjidhje parciale do të thotë zgjedhje të parakohshme.
Deputeti Limaj pak para se të vazhdoj seanca konstituive e Kuvendit të Kosovës tha se emri i kryetarit të Kuvendit duhet të dihet paraprakisht.
Deputeti i Vetëvendosjes, Hekuran Murati në seancën e sotme konstituive, nuk ka arritur të marrë 61 votat e nevojshme për t’u bërë kryetar i Kuvendit.
Përfaqësuesja e koalicionit Lëvizjes Vetëvendosje, Alternativa dhe Lëvizja Guxo, Donika Gërvalla, propozoi ministrin në detyrë të Financave, Hekuran Muratin, duke thënë se ai ka bërë një punë të shkëlqyeshme si ministër i Financave.