Hasan Krasniqi, kryeshef i Kompanisë Rajonale të Ujësjellësit “Gjakova”, është liruar nga paraburgimi me vendim të gjykatës.
Lajmi është konfirmuar nga burime të cilat bëjnë të ditur se lirimi ka ndodhur para pak minutash.
Krasniqi ishte arrestuar më 20 mars, nën dyshimin për keqpërdorim të detyrës zyrtare. Pas disa javësh në paraburgim, ai është liruar me kusht, ndërsa pritet që javën e ardhshme t’i rikthehet detyrës së tij në krye të KRU “Gjakova”.