Lista Serbe përmes një komunikate për media kanë bërë të ditur se kanë dorëzuar një ankesë në Gjykatën Kushtetuese të Republikës së Kosovës për “shkelje të rëndë të të drejtave të popullit serb në seancat e Kuvendit”. Kjo ankesë e tyre vjen pas votimit të ndodhur për nënkryetarët e Kuvendit nga komunitetet.
“Parimet kushtetuese dhe demokratike shkelen rëndë dhe populli serb nuk është në gjendje të ushtrojë të drejtat e tij të garantuara”, thuhet në reagim.
“Ne presim që Gjykata Kushtetuese të reagojë urgjentisht dhe të marrë të gjitha masat e nevojshme për të mbrojtur sundimin e ligjit, si dhe të drejtat e popullit serb në përputhje me aktet ligjore në fuqi”, shkruan në reagimin e Listës Serbe.