Ministri i Mbrojtjes i Kosovës, Ejup Maqedonci, është takuar me zëvendëskryeministrin dhe ministrin e Mbrojtjes të Republikës Çeke, Jaromír Zůna, në margjinat e takimit CEDC – Western Balkans.
Sipas Maqedoncit, në takim është diskutuar për mundësitë e zgjerimit të bashkëpunimit në fushën e mbrojtjes, me fokus në industrinë e mbrojtjes, transferimin e teknologjisë, si dhe trajnimin dhe edukimin ushtarak.
Maqedonci e ka falënderuar ministrin çek për kontributin e Republikës Çeke në sigurinë e Kosovës përmes pjesëmarrjes në misionin e KFOR-it, si dhe për mbështetjen e vazhdueshme në procesin e integrimeve euroatlantike.
Postimi i plotë:
Në margjinat e takimit CEDC – Western Balkans (Bashkëpunimi i Mbrojtjes i Evropës Qendrore – Ballkanit Perëndimor), u takova me Zëvendëskryeministrin dhe Ministrin e Mbrojtjes të Republikës Çeke, Jaromír Zůna.
Diskutuam mundësitë për zgjerimin e bashkëpunimit në fushën e mbrojtjes, me theks të veçantë në industrinë e mbrojtjes, transferimin e teknologjisë, si edhe trajnimin dhe edukimin ushtarak.
E falënderova ministrin Zůna për kontributin e Republikës Çeke në sigurinë e Kosovës, përmes pjesëmarrjes së saj në KFOR, si dhe për mbështetjen e vazhdueshme në procesin e integrimeve euroatlantike.